Barakaldoko Gurutzeta Eskolako  “Urdin Gorri” Gurasoen Elkarteak “Barakaldoko Hiri Hezitzailea I. saria” irabazi du

Barakaldoko Udalaren eskutik jaso du  saria, “2019ko bizikidetzaren aldeko lana” kategorian, “Munduko Zaporeak” ekimenarekin.

2016az geroztik, “Urdin Gorri” Gurasoen Elkarteak “Munduko Zaporeak” ekimena garatzen du. Bizikidetza sustatzeko eta kultura-aniztasunaren aldeko gizarte-ekitaldia da, eta hainbat pertsona-talderen arteko integrazioan eta errespetuan eragiten du.

2019ko urrian, “Urdin Gorri” Guraso Elkarteak Munduko Zaporeen IV. edizioa ospatu zuen. Bertan, Gurutzeta auzoko eta inguruneko 300 pertsona baino gehiago hartu zuten parte, 10 nazionalitate edo eskualde desberdinetako familiek: Kolonbia, Maroko, Aljeria, Bolivia, Errumania, Moldavia, edota Honduras, eta beste eskualde eta nortasun nazional batzuk, hala nola Galizia, Murtzia, Madril edo Euskal Herria.

“Munduko Zaporeak” proiektuan, parte hartzen duten familiek beren gastronomiako plater tipikoak prestatzen eta eskaintzen dizkiote hezkuntza-komunitate osoari, eta beren jatorrizko kulturaren zati oso garrantzitsu bat ezagutarazten diete gainerakoei. Gainera, jantzi tradizionalak, musika instrumentuak, folklorea, etab. erakusten dute, integrazioa sustatuz eta esperientziak eta ezagutza elkartrukatzea bultzatuz.

“Munduko Zaporeei” esker, Gurutzeta Eskola Publikoko patioak eskola-ordutegitik kanpo irekitzen ditu ateak, eta erabilera berria ematen dio espazio horri, auzoko eskola-komunitate osoak goza dezakeen “patio inklusiboaren” ideia sustatuz.

Aurten, Sari honen bidez Barakaldoko Udalak, Hiri Hezitzaile gisa, “Urdin Gorri” Guraso Elkartearen lana aitortu du.

“Urdin Gorri Guraso Elkartean oso harro gaude  Munduko Zaporeak ekimenari Barakaldo Hiri Hezitzailearen I. Saria eman zaiolako, eta espero dugu datozen edizioetan Barakaldoko Udalak sinatutako Hiri Hezitzaileen Gutunean planteatutako erronkei laguntzen jarraitzea”.