Pixkanaka, gure ikastetxeek berreskuratzen ari dira familia eta lana uztartzeko hain garrantzitsuak diren hezkuntza-jarduerak eta zerbitzuak. Horren adibide da guraso-elkarteek eta zentroek goizeko 8etatik 9etara eskaintzen duten zaintza edo goiztiarren zerbitzua.

Dagoeneko posible da zerbitzu hori gure eskoletan eskaintzea, zentroek gure seme-alabentzako gune seguruak izatea ahalbidetzen duten osasun-arauak betetzen badituzte. Federazioetatik hainbat gomendio eman dizkiegu guraso-elkarteei, honako hauek besteak beste:

• Espazioa zabala eta ondo aireztatu daitekeena erabiltzea, erraz zaintzeko modukoa eta kanpotik sartu ahal izateko sarbidea duena.
• Egunero zerrenda pasatzea eta haurrek izan ditzaketen harremanei buruzko informazioa jasotzea.
• Familien konpromisoa, jarduera egiten den ordutegian prest eta aurkitzeko moduan egoteko, eta seme-alaben tenperatura hartu arte itxarotea.
• Bermatu behar da begirale bera arduratuko dela talde beraz ikasturte osoan.

Federazioek lanean jarraitzen dugu, gune seguruak izateaz gain, gure eskolek eta institutuek gure seme-alabei kalitatezko irakaskuntza eskaintzeko, beren gaitasun guztien garapena bermatuko duen ingurune batean.

Gure hurrengo helburua eskolaz kanpoko jarduerak antolatzea da, eta laster berreskuratzea espero dugu; izan ere, kalitatezko hezkuntza- eta kirol-jarduerak bermatzen dizkigute guztiona den espazio batean, eta familien kontziliazioa errazten dute.