Batxilergoko ikasleak 2022-2023 ikasturterako onartzeko epea martxoaren 28an irekiko da, eta eskaerak  apirilaren 8ra arte entregatu ahal izango dira. Eskaerak online edo aurrez aurre egin ahal izango dira ikastetxeetan.

Hezkuntza Sailaren webgunean aurki ditzakezue izena emateko eskabidea eta entregatu beharreko dokumentazioa, bai eta araudia, egutegia eta ohiko galderen erantzunak ere.

Hona hemen agindua zeinaren bidez 2022-2023 ikasturtean Euskal Autonomia Erkidegoko Hezkuntza Sailaren mendeko ikastetxe publikoko ikasleak onartzeko eskabideak aurkezteko egutegi komuna ezartzen den; era berean, jarraibideak onartzen dira ikasleak onartzeko eta hezkuntza-maila horretan irakaskuntza ofizialak ematen dituzten ikastetxe guztietan matrikulatzeko.

Hona hemen, eskaerak aurkezteko egutegi komuna eta onartzeko epeak:

• Eskabideak eta agiriak aurkeztea:  martxoaren 28tik apirilaren 8ra arte
• Onartuen eta ez onartuen behin-behineko zerrendak: 2022ko maiatzaren 4an.
• Behin-behineko zerrendei erreklamazioak egiteko: 2022ko maiatzaren 18ra arte.
• Onartuen eta ez onartuen behin betiko zerrendak: 2022ko maiatzaren 25ean.
• Matrikularen formalizazioa: 2022ko ekainaren 20tik uztailaren 5era arte.