Aiaraldeko Hezkuntza Publikoa Bizirik plataformak hezkuntza publikoaren aldeko jaia ospatuko du Urduñako herriko plazan urtarrilaren 31n.

Publikoaren aldeko aldarria kalera ateratzeko xedez eta eskola publikoan izena ematera animatzeko, hainbat ekintza antolatu dituzte: puzgarriak, jolasak, talo tailerra, txokolatada eta Eriz musikariaren kontzertua.

Gainera, ekainaren 1ean Urduñan egingo den Euskal Eskola Publikoaren Jaiaren materiala erosteko aukera ere egongo da.

Animatu zaitezte eta hurbildu Urduñara 31n!

Publikoa da bidea!