Egunetik egunera gehiago kezkatzen du pantailen erabilerak haurrengan, nerabeengan eta, oro har, gizartean. Arazo horren ondorioz, 2023an gaiarekin kezkatuta zeuden hainbat guraso talde sortu ziren, horien artean Orioko Zaragueta eskola publikokoak, Altxa Burua ekimenarekin bat egin zuena.

Aurreko asteazkenean eskolako klaustroak horren inguruko formakuntza jaso zuen Maitane Ormazabal psikologoaren eskutik, Altxa Burua Orio guraso taldearen ekimenez.

Urrian beste hiru saio jasoko dituzte irakasleek, berriz ere Maitane Ormazabal adituaren eta Telmo Lazkanoren eskutik.