Beka ez-unibertsitarioak 2024-25
2024-07-19
2024ko uztailaren 22an hasi eta irailaren 30ean amaituko da 2024-2025 ikasturterako unibertsitateaz kanpoko ikasleak eskolatzeko ikasketetarako bekak eta laguntzak eskatzeko epea. Deialdia EAEko ikastetxeetan ikasten duten ikasle hauei zuzenduta dago:
- Haur Hezkuntza (Haurreskolak Partzuergoko ikasleak ezik)
- Lehen Hezkuntza
- Derrigorrezko Bigarren Hezkuntza
- Batxilergoa
- Oinarrizko, erdi-mailako eta goi-mailako Lanbide Heziketa
- Musika eta Dantzako ikasketa oinarrizkoak eta profesionalak
- Arte Plastikoak eta Diseinua: Heziketa Zikloak
- Kirol-ikasketak
- Hizkuntzako Ikasketak
- Berariazko hezkuntza-laguntza behar duten ikasleak.
2023-2024 ikasturtean beka edo laguntzaren onuradun izan diren ikasleei jada betetako eskaera-zirriborroa eskuratzeko aukera emango zaie SMS edo posta elektronikoaren bidez. Â Beka-eskatzaile berriek eskaera telematikoa egin dezakete edo ikastetxean bertan egin ahalko dute eskabidea.
Hezkuntza-laguntzako premia bereziak dituzten ikasleak
Zuen seme-alabak hezkuntza-laguntzako hezkuntza-premiak baditu, ez ahaztu honako ikasle hauek jaso ditzaketen ikasketa-laguntzak biltzen dituen deialdiaren 22. artikulua kontsultatzea:
- Desgaitasunaren edo jokabide-nahasmendu larriaren ondorioz hezkuntza-laguntzako premia bereziak dituzten ikasleak.
- Hezkuntza-premia bereziekin lotutako komunikazio- eta hizkuntza-nahasmendu larriak dituzten ikasleak.
- Espektro autistaren nahasmenduari lotutako hezkuntza-laguntzaren berariazko beharra duten ikasleak.
- Gaitasun intelektual handiarekin lotutako hezkuntza-laguntzako premia bereziak dituzten ikasleak.
2023ko diru-sarrerak justifikatzeko zailtasunak dituzten familiak
Gainera, gogorarazten dizuegu PFEZ aitorpena ez egiteagatik 2023ko diru-sarrerak justifikatzeko zailtasunak dituzuen familiek diru-sarrerak, bizibideak edo jasotako laguntzak egiaztatzen dituen edozein agiri aurkez dezakezuela (lan-kontratuen kopia, 10T), bai eta udaleko gizarte zerbitzuek edo beste erakunde onuradun batzuek (Gurutze Gorria, Caritas eta GKEak) emandako ziurtagiriak ere.
Beka kobratzea
Laguntza dena batera ordainduko da, hilabeteko epean, Administrazio eta Zerbitzuen sailburuordeak behin betiko ebazpena ematen duenetik aurrera.
Hemen duzue 2024-2025 ikasturteko deialdiari buruzko informazioa:
Kontsultatu informazio guztia hemen eta gogoratu zalantzarik izanez gero zuen federazioarekin harremanetan jar zaitezketela.