Eguberri bezperan, Legazpiko bi ikastetxe publikoek neguko azoka egiten dute. Taloak eta txorizoa, txistorra eta gazta, gaztaina erreak, saskigintza saioak Aspaceko kideen laguntzarekin, Olazabal Institutuko ikasketa bidaiarako gozokiak saltzea, xaboi naturalak eta ukenduak saltzea, barazkien erakusketa eta salmenta… Urtero bezala, berrikuntza batzuekin: Txirbil egur taila taldearen parte hartzea eta jatorri arabiarreko familien ekarpena.