Hezkuntza Sailak ikasturte hasieran zerbitzu horren falta pairatu duten ikasleei zuzendutako eskola-garraiorako dirulaguntzak arautzen dituen Agindua argitaratu du.

Kilometroko 0,29 euroko dirulaguntza ordainduko da eta kontuan hartuko da etxetik ikastetxera bitarteko distantzia. Jardunaldi zatituko eskola egun bakoitzeko bi joan-etorri ordainduko dira; eta joan-etorri bat,  jardunaldi jarraituko eskola egun bakoitzeko. Zuzeneko kudeaketako jantokia duten ikastetxe publikoetan, kalkulu hori egiteko ez dira barnean hartuko jardunaldi zatituko eguerdiko joan-etorriak, baldin eta garraiorako eskubidea duten ikasle guztiak hartu ahal baditu jantokiak.

Eskabideak betetzeko azken eguna urriaren 27a da, baina beti bezala azken momenturako ez uztea gomendatzen dizuegu. Bi modu daude eskaerak aurkezteko.

1. a) telematikoki; horretarako, ezinbestekoa izango da sinadura elektronikoa izatea indarrean dagoen ziurtagiri digitalarekin (NAN, Izenpe txartela) edo itsasontzi-jokoa (B@kq).
2. b) paperean; horretarako, aplikazioak sortuko duen eskabide-inprimakia inprimatu, sinatu eta ikasleak ikasketak egiten dituen ikastetxearen zuzendariari aurkeztu beharko zaio.

Horretaz gain, zuen etxetik ikastetxera dagoen distantzia kalkulatzeko GeoEuskadi erreminta erabil dezakezuela gogorarazten dizuegu.

Hemen daukazue Agindua informazio guztiarekin eta eskaera egiteko eranskina.

Beste behin ere, EHIGEk gogorarazi nahi du egoera honek agerian utzi duela eskola-garraioa funtsezko hezkuntza-zerbitzua dela, eta zerbitzua bermatuta egon behar duela ikasturtearen lehen egunetik. Egoera hau ez da errepikatu behar.