Abenduan eskola kontseiluak berrituko dira, ikastetxe publikoetako erabaki- eta partaidetza-organoak. Azaroan egindako hauteskundeen ondoren, orain eskola-kontseilu berriak eratu behar dira kontseilari berriekin.

Organo horien jardunari buruz hausnartzen laguntzeko eta hobetzeko proposamenak egiteko, EHIGEk eta HEIZEk ebaluazio-tresna bat prestatu eta ikastetxeei helarazi diegu.

Gure urteetako esperientzian eta ezagutzan oinarrituta, dekalogo bat egin dugu. Bertan, hainbat eremu jorratzen dira, hala nola parte-hartzea sustatzea eta erraztea, eskola-komunitateari entzutea, bilera eraginkorrak eta abegikorrak egitea eta eskola-komunitateari informazioa ematea, besteak beste.

Orain ikastetxeei dagokie tresna hori erabiltzea haien egoera ezagutzeko eta hobetzeko konpromisoak hartzeko. Ikastaroa amaitzean ebaluazio bat egingo dugu emaitzak ikusteko.

HEIZEren eta EHIGEren arteko lankidetza berri honen helburua parte-hartzea sustatzea eta Euskal Eskola Publikoaren eskola-komunitateak indartzea da.

Deskargatu ebaluazio-tresna PDF formatuan.