Kataluniako hezkuntza-politika eta, zehazkiago, Síndic de Greugesek 2012an bultzatutako Eskola-segregazioaren aurkako Itunaren ondorioz abian jarritako eskola-segregazioaren aurkako neurriak, EAErako inspirazio-iturri izaten ari dira.
Eztabaida honi ekarpena egiteko asmoz eskola publikoaren interesetatik, eta bi lurraldeen arteko ezberdintasunak alde batera utzi gabe, “Eskola-segregazioaren aurkako neurriak Katalunian” eztabaida antolatu dugu Bilboko Abandoko Udaltegian (Barrainkua 5) martxoaren 28an. Bi helburu nagusi ditu jardunaldi honek:
- Hezkuntza kohesionatuagoa lortzeko Katalunian funtzionatzen ari diren neurriak ezagutzea.
- Neurri horiek eskola publikoari nola eragiten dioten jakitea.
Bi hizlari izango ditugu gurekin: Lidón Gasull, aFFaC-eko zuzendaria eta Sheila González Motos, Universitat de Barcelona-ko ikerlaria.
Lidón Gasull giza eskubideetan aditua den abokatua eta aFFaCeko zuzendaria da. Kataluniako ikasleen familien elkarte federatuak ikastetxe publikoetako 2.400 guraso-elkarte ordezkatzen ditu.
Sheila González Motos Politika Publikoetan eta Gizarte Eraldaketan doktorea da Bartzelonako Unibertsitate Autonomoan. Gaur egun, Bartzelonako Unibertsitateko Zientzia Politikoko Departamentuko irakasle irakurlea da. Hezkuntza-desberdintasunarekin lotutako politika publikoei buruzko ikerketak egin ditu, eta 11/2021 Dekretua egiteko batzordean parte hartu zuen.
