KomunitateAGO: Euskal Eskola Publikoa elkarrekin eraikitzen

Otsailaren 7an “KomunitateAGO, Euskal Eskola Publikoa elkarrekin eraikitzen” jardunaldia egingo dugu Gasteizeko Salburua gizarte etxean.

Pasa den abenduan “Eskola-kontseilua ebaluatzeko eta hobetzeko tresna” izeneko dokumentua osatu genuen EHIGE eta Heizek, gure eskola eta institutuetako parte-hartze prozesuei buruzko hausnarketa sustatzea helburu zuen ekarpen xumea.

Hainbat konturi buruz gogoeta eginarazi nahi genuen dokumentu horrekin: hezkuntza-komunitatearen parte-hartzea sustatzea eta bereziki egoera ahulean dauden kideena, espazio ez-formalen garrantzia, hala nola lan-espazio abegikorrak eta eraginkorrak sortzea.

Esperientzia horretatik abiatuta, hurrengo pausu bat proposatzen dizuegu: elkarrekin aurrez aurre hausnartzea hezkuntza-komunitatearen parte-hartzeak dituen zailtasunei eta indarguneei buruz. Behin hori eginda, ikastetxe parte-hartzaileagoak egiteko tresnak bilduko ditugu

-Deskargatu triptikoa:

-Eman izena!