Euskal Herriko Unibertsitateak antolatzen duen Zientzia Astearen baitan argazki geologikoen lehiaketaren XVI. edizioa gauzatu da aurten. Bertan DBHko eta Batxilergoko ikasleek parte hartu dezakete geologiaren edozein adarrekin erlazionaturiko argazkien bidez eta haren azalpen geologikoa idatziz. Lehiaketa hau EHUko Geologiako fakultateak antolatzen du. Hernaniko Institutuko ikasleek parte hartu dute lehiaketa honetan eta hiru hernaniar izan dira sarituak. Saria azaroaren 10ean eman zioten, Bilbon egindako ekitaldi batean. Robin Beyreuther lehenengo postuan geratu da, Itxaso Lacadena bigarrenean eta Enara Querejeta hirugarren postuan.