Euskadiko Eskola Kontseiluak Euskal Autonomia Erkidegoko Hezkuntza Legearen Aurreproiektuari buruz emandako irizpenak administrazioaren ordezkarien, patronal pribatuen eta enpresa-erakundeen ordezkarien aldeko botoak baino ez ditu izan.

Lege-iragazkia kontuan hartu ez duen aurreproiektua

Eusko Jaurlaritzak gizarteari eta Euskadiko Eskola Kontseiluari eztabaidarako helarazi dien dokumentuak ez du kontuan hartu Eusko Jaurlaritzak berak egindako txosten juridikoa; horregatik, joan den ostegunean egin zen osoko bilkura atzeratzea eskatu genuen, legezko berme guztiak jasotzen dituen dokumentu bat jaso arte.

Hala ere, EEKko presidenteak ez zien Euskal Eskola Publikoko familien ordezkariei parte hartzen utzi bozketa egin aurretik, eta ez zion jaramonik egin osoko bilkura atzeratzeko eskaerari.

Boto partikularra

Aurreproiektuaren balorazio positiboa egiten duen irizpenaren aurkako botoa emateaz gain, boto partikularra eman dugu Aurreproiektu hori erretiratzea eskatuz, honako arrazoi hauengatik:

1. Eusko Jaurlaritzaren Hezkuntza Legearen Aurreproiektuak ez die erantzuten euskal hezkuntza-sistemaren beharrei, eta ez dakar inolako aurrerapenik indarrean dagoen legearekiko. Egungo sistema duala blindatzera mugatzen da, euskal hezkuntza-sistemaren pribatizazioa azpimarratuz.
2. Ez die erantzuten Euskal Eskola Publikoaren beharrei, eta ez du euskal hezkuntza-sistemaren ardatz bihurtzen.
3. Ez du kontuan hartu Eusko Jaurlaritzako Hezkuntza Saileko Administrazio eta Zerbitzuen Sailburuordetzako Araubide Juridikoaren eta Zerbitzuen Zuzendaritzak egindako nahitaezko txosten juridikoa.