Talaia ikastetxea ‘Eskola Jasangarri’ gisa izendatu du Eusko Jaurlaritzak, ingurumenarekin duen lana eta inplikazioa aintzat hartuz. Urdaibaiko Ekoetxea zentroan egin zuten ziurtagirien entrega, aurten Euskal Herriko hamahiru ikastetxek jaso dituztenak, Gipuzkoako publiko bakarra: Hondarribiko Talaia ikastetxea.

Ziurtagiri honekin akreditatutako zentro publikoek eta itunpekoek iraunkortasunerako ikastetxeen sarea osatzen dute-IRAES 21, non elkarrekin sustatzen duten iraunkortasunerako hezkuntza irakasleen, ikasleen, irakasle ez diren langileen eta familien artean.

Ekitaldian eskola-umeak eta irakasleak izan ziren, eta haiekin batera izan ziren udal ordezkariak, Eusko Jaurlaritzak aitortutako ikastetxeak dauden herrietako alkateak. 2030 Eskola Agendak “Eskola Jasangarri” gisa bereizten dituen 13 zentroak 11 udalerritakoak dira.