Irungo Udalak sustatu eta Eguzkitza, Dunboa eta Elatzetako ikastetxeek parte hartzen duten eskola bidearen ekimena fase berri batean sartu da. Tokiko merkataritza proiektuari gehituko zaio, ikastetxeetara oinez joaten diren ikasleen segurtasuna bermatzeko.

Eguzkitza ikastetxeak lankidetza kontratu moduko bat prestatu du ikasleen eta eskola bidean sartu nahi duten inguruko denden artean. Horrela, gazteren batekin zerbait gertatzen bada, lokalera jo ahal izango dute, arreta jaso dezaten.

Eskola-bidearen arloan egindako ekimenen artean, ikasleak auzoko kaleetan zehar atera dira ibilbidea ezagutzeko. «Ezagutzen badute, pausoa ematera eta oinez etortzera animatzen ahal dira», esan du Eguzkitzako zuzendariak, eta horrek azpimarratu ditu autoek eskolan sartzeko dituzten zailtasunak.

Beste berrikuntza bat “Eskolaminutoa” izan da, Mugikortasun Arloak duela urte batzuk oinez ibiltzea sustatzeko aurkeztu zuen metrominutoaren ideia hartuta. Kasu honetan, ideia bera da, eta proiektu berri honek ikastetxera iristeko puntu batetik bestera dauden distantziak ezagutzeko aukera ematen du.