Donostiako Udalak bi karpa handi erosi ditu ikastetxe publiko hauek martxotik aurrera patioan babestutako espazio bat izan dezaten.

Pandemiak agerian utzi du ikastetxeetan, bai ikasgeletan bai ikasgeletatik kanpo, espazio gehiago behar direla. Ikastetxe batzuek ez dute azalera nahikorik eta patioak estalita ez badaude, eguraldi txarra egiten duenean ikasleen aisialdirako tarte txikia dute.

Ikastetxe hauek ez dute antzinatasun handirik, baina aisialdian ez dute eremu estalirik. Horrela, euria egiten duenean edo eguraldi txarra egiten duenean, ikasleak eraikinaren barruan egon behar izaten du, eta hori ez da bereziki pandemian gomendagarri.

Bi zentroetan bi isurkiko karpak jarriko dira, 40×20 metrokoak Morlansen kasuan eta 40×25 metrokoak Ikasbiden. Karpak etorkizuneko patioetan mantenduko dira, proiektu batek behin betiko estalkia eraikitzea ahalbidetu arte.