Laida Karrantzako Kontxa Eskolako IGEko ama da eta eskolako patioa eraldatzeko erronkari aurre egitea nolakoa izan den kontatu digu. Talde lana eta zailtasunak gainditzeko gogo handia izan dira funtsezkoak Karrantzako haurrek jolastoki hobeaz gozatzeko.

Lagun talde, elkarte eta talde guztietan bezala, beti dago erronka berriei aurre egiteko prest dagoen talde txiki bat. Horrelakoa da Karrantzako Kontxa Eskolako IGEa, ikasturtez ikasturte gure txikien eskola hobetzen joateko borrokatzen duen taldea.

Iaz, ordea, aurrerapauso bat gehiago eman genuen. Espero zen bezala, ikasturteko lehen bileretan behin eta berriz errepikatu zen gaietako bat konfinamenduan eta pandemian zehar haurrek bizi zuten egoera izan zen. “Gixajoak, zelak urtea daramate”, “eredu izaten ari dira, okerragoa egiten ari gara helduok”…

Une horretan, ikasturte-hasierarekin berriz ere diru-laguntza, paper, kuota artean geundela, “Patioak dinamizatzeko eta eskola-bide segurua sortzeko” diru-laguntza agertu zen, teorian zoragarria, baina IGE gisa inoiz aurre egin ez diogun aparteko lana eskatzen zuena. Hala ere, txikiek merezi zutela uste genuen, izandako urte bereziaren ondoren, eta erronka onartzeko prest geunden.

Proiektuaren erredakzioa nahiko erraza izan zen, zuzendaritzarekin bilerak egin genituen jarraitu nahi genuen bidea zein zen erabakitzeko, jolastokian zer joko jarri behar genituen ikusteko, materialak aztertzeko eta abar.

Deialdia atera zenean izan genuen lehenengo zailtasuna, gehienezko zenbatekoa 5.000€ zirelako, eta beraz, agur esan behar izan genion gure eskola bideari. Diru-laguntza osoa patiorako erabiltzea pentsatu genuen orduan. Hortik aurrera, eta aurrekontuak eskatuz, proiektu sendo bat sortzen hasi ginen. Bigarren arazo bat ere sortu zen, aurrekontuari boluntariotzako orduak gehitu ahal bazitzaizkion ere, kentzen hasiz gero, proiekturik gabe geratzen ginen. Beraz, gurasook borondatez lan egingo genuela erabaki genuen, eta diru-laguntzaren zenbatekoa materialerako baino ez zela izango. Azken finean, guraso talde bera ariko zen lanean ia beti. Hala ere, lana gure gain hartzea erabaki genuen.

Proiektua aurkeztu ondoren, hirugarren oztopoa agertu zen. Aurrekontu maximoa aurkeztu genuela ikusita, beste IGE batzuek atzera egin zutela ohartarazteko deitu ziguten, izan ere, % 100 ematen ez baziguten ere, proiektuaren % 100 egin beharko genukeela esan ziguten, guraso elkarteak bere gain hartuz ordaintzeke geratu zitekeen diru kopurua. Hala ere, aurrera egitea erabaki genuen.

Hala ere, eta % 100 jaso ez arren, lanari ekin genion. Hasi aurreko lehen bilera udalarekin izan zen (zentroa udal jabetzakoa baita), proiektuaren berri eman genien eta laguntza  eskatu genien, udal langileekin lan/obra batzuk egiteko eta materiala gordetzeko leku bat uztea, hain zuzen ere. Laugarren eta azken oztopoa une horretan sortu zen, nahiz eta langileak laguntzeko eta lokal bat emateko konpromisoa hartu, birziklatutako materialekin egin behar genituen jolasen “Homologazio-ziurtagiria” eskatu zizkiguten. Ziurtatzaileekin harremanetan jarri ondoren, berriz ere sortuko zen gainkostua onartu genuen, gure txikien patioa lortzeko.

Oztopo guztiak gainditu eta materiala erosten hasi ondoren, gurasoen elkartetik zein eskolatik deialdi bat egin genuen laguntza eskatzeko eta lanari ekiteko. Ordu askoren ondoren, azkenean proiektua aurrera eramatea lortu genuen:

– 10 metroko rokodromoa eskolako frontoian.

– Margotutako jolas dinamikoak frontoiko lurrean eta bi patioetan.

– Musika-hormak

– Gymkhana

– Jolas sinbolikoen gunea

– Material birziklatuak dituzten autoak.

– Gurpil birziklatuen hareatza.

– Adierazpen artistikoko eremuak bi jolastokietako.

– Tipiak

Behin guztia martxan dagoela eta gure txikiak patioan eta patioaz gozatzen ikusi ondoren, eskolako langileei mila esker ematea besterik ez zaigu geratzen, lehen minututik laguntzeko prest egon direlako proiektu hau aurrera eramaten laguntzeko, eskerrik asko ere auto guztiak eskuz egin dituen aititeari, udalari materiala gordetzeko lokal bat uzteagatik, udaletxeko langileei, zoratu egin ditugun arren, eskaini diguten laguntzagatik, eta eskolako familiei ere, eskerrik asko.

Eskerrik asko, halaber, modu pertsonalean, Karrantza Gurasoen Elkarteko kide guztiei, ez dutelako izan ekimena babesteko zalantzarik, ahalegina eta lana eskatzen zuen proiektua izan arren.

Laida.