’11 eskola, 11 tontor’ lelopean, Oarsoaldeko haurrak eskualdeko 11 ikastetxetako ikasleak eta haien familiak horretarako proposatutako 11 gailurretara animatzea du helburu. Horretarako, urtarrilaren 10era arteko epea duzue.

Arduradunek azaltzen dutenez, «orain arte ikastetxe bakoitzari esleitzen genion zer mendi igo behar zuen asteburuan, baina hemendik aurrera aukera guztiak irekita geratzen dira: bakoitzak, nahi duenean, 11 gailurretatik edozein har dezake».

Urdaburu, Igorin, Txoritokieta, Tximistarri, Elorrieta, Urkabe-Arkale, San Markos, Aldura, Arrokaundieta-Mitxintxola, Mendiola eta Erroilbide-Txurrumurru. Pasaiarako alternatiba gisa, gainera, Ulia aipatzen da.

Nola parte hartu

Oarsoaldeko Eskola Kirolaren web orrian (www.oarsoaldekoeskolakirola.eus), ikastetxe bakoitzaren atalean, hainbat puntu igotzeko proposamenak ikus daitezke. Proposaturiko gailur guztietara iritsi direla frogatzeko, ikasleek beren ikastetxeko eskola kiroleko koordinatzailearen helbide elektronikora bidali behar dute argazkia.

Irudian nahitaez jarri behar da gailurra zein den adierazten duen plaka edo paisaia. Eskola kiroleko arropa, ikastetxeko kamiseta, mapan nabigazio-marka eta eguna eta ordua bermatzen dituen telefono- edo erloju-irudia erabil ditzake ikasleak edo haren familiak.

Hamaika tontorretatik sei egitera iristen denak ’11 centro, 11 tontor’ ekimenaren kamiseta berezia jasoko du. Aipatutako gailur guztiak egin dituenak opari berezia izango du.